cartafol de silencios

domingo, 27-2-05

"conto tardío"

a personaxe principal non precisa nome, porque podería ser calquera lector.

ela chega tarde ó cine, outra vez. coma sempre, ela chega tarde a todas partes. tanto que el, o home de hai moito tempo, aparece collido da man doutra na saída da primeira sesión.

-ola, di el, sorprendido de vela.
-ola, responde ela, covarde.

xa non falan máis.

non lle mancou o encontro, e iso é o que lle fai dano.

quizais porque sabe que ela chegou demasiado cedo á vida del, hoxe é xa demasiado tarde para os dous.