cartafol de silencios

venres, 10-6-05

"o Gato"

a miña compañeira de piso apareceu cun gato entre os brazos de madrugada. non o quero aquí, díxenlle, xa sabes que cos gatos non me entendo. o felino fitábame cos seus enormes ollos azuis dende a ventá da cociña, pedindo entrar. pola mañá continuaba no xardín, resgardándose do sol entre as herbas. seguía mirándome fixamente. non podes estar aquí, díxenlle, os do teu clube e mais eu non nos levamos ben. ó regresar á noitiña xa non estaba. e pensei que, quizais, os gatos son moito máis honestos do que imaxinaba. quen sexa gato enténdeme...